தென்னிந்தியாவை புறக்கணிக்கும் கல்கத்தா தேயிலை வாரிய அதிகாரிகள்

ஆய்வு செய்யாமலேயே தொழிற்சாலைகளுக்கு நோட்டீஸ் வழங்கியதால் அப்செட்

tea  board

குன்னூர்:
குன்னூரில் கல்கத்தாவில் இருந்து வந்த
, 39 தேயிலை தொழிற்சாலைகளுக்கு நோட்டீஸ் கொடுத்ததால் பரபரப்பு ஏற்பட்டுள்ளது.
தென்னிந்தியாவில் எஸ்டேட் மற்றும் சிறு தேயிலை தொழிற்சாலைகள் என மொத்தம், 325 தேயிலை தொழிற்சாலைகள் செயல்பட்டு வருகிறது. இந்த தொழிற்சாலைகள் தேயிலை வாரியத்தின் மூலமாக லைசன்ஸ் பெற்று இயக்க வேண்டும். இந்நிலையில், சில தொழிற்சாலைகளை வேறு நபர்களுக்கு விற்பனை செய்துள்ள நிலையில், பெயர் மாற்றம் செய்து லைசன்ஸ் பெற வேண்டும். அதேபோல புதிதாக, 3 தொழிற்சாலைகள் லைசன்ஸ்க்கு விண்ணப்பித்துள்ளன.
இதுபோன்று கடந்த, 2000ம் ஆண்டில் இருந்து பல தொழிற்சாலைகளும் லைசன்ஸ் கோரி தேயிலை வாரியத்திற்கு விண்ணப்பித்துள்ளனர். லைசன்ஸ்க்கு விண்ணப்பித்து, 10 நாட்களுக்குள் வழங்க வேண்டும் அல்லது கொடுக்க முடியாது என்பதற்கான காரணத்தை தெரிவித்து ரத்து செய்ய வேண்டும். ஆனால், கல்கத்தாவில் உள்ள தேயிலை வாரியம் முறையாக செவிசாய்க்காமல் காலம் தாழ்த்தி வந்துள்ளது.
இதனால், நிலுவையில் உள்ள அனைத்து லைசன்ஸ் பெட்டிஷன்களையும் மார்ச், 15ம் தேதிக்குள் முடிக்க, அகில இந்திய தேயிலை வாரிய இயக்குநர் சித்தார்த் உத்தரவிட்டுள்ளார்.
இதனை தொடர்ந்து, கன்ட்ரோலர் ஆப் சைசன்சிங் அதிகாரி ரஜினிகந்தா, சட்ட அலுவலர் பிரமோத்குமார், லைசன்ஸ் பிரிவு துணை இயக்குநர் சமரேஷ் மொண்டல் ஆகியோர் கடந்த, 12ம் தேதியில் இருந்து குன்னுõர் தேயிலை வாரியத்தில், நேற்று அதிகாலை வரை, 3 நாட்கள் தங்கி ஆய்வில் ஈடுபட்டனர். இதில், 39 தேயிலை பெயர் மாற்றம் செய்யாமல் இருப்பது உள்ளிட்ட பல்வேறு காரணங்களை கூறி, தொழிற்சாலைகளுக்கு லைசன்ஸ் ரத்து செய்வதற்கான நோட்டீஸ் வழங்கியுள்ளனர். மேலும், 3 புதிய தொழிற்சாலைகளுக்கும் லைசன்ஸ் அனுமதி வழங்கவில்லை.
இதனால் தொழிற்சாலை உரிமையாளர்கள் அதிருப்தியடைந்துள்ளனர்.
இதுதொடர்பாக உரிமையாளர்கள் சிலர் கூறுகையில், “பல ஆண்டுகளாக பழைய லைசன்ஸ் மூலமாகவே தேயிலை உற்பத்தி செய்யப்பட்டு வருகிறது. இந்நிலையில் பெயர் மாற்றம் மற்றும் புதுப்பித்தல் தொடர்பாக பல முறை விண்ணப்பித்தும் இதுவரை லைசன்ஸ் கொடுக்காமல் காலம் தாழ்த்தி வந்தனர். இந்நிலையில், திடீரென லைசன்ஸ் ரத்து செய்வதாக நோட்டீஸ் வழங்குகின்றனர்.
அரசு டான்டீ தொழிற்சாலையான ரியான் தொழிற்சாலைக்கு கூட லைசன்ஸ் கொடுக்காமல் இருந்தும் கடந்த 10 ஆண்டுகளாக லைசன்ஸ் இல்லாமல் இயங்கி வந்துள்ளது.
இந்நிலையில் கல்கத்தாவில் இருந்து வந்த அதிகாரிகள், 14ம் தேதி பிளைட் டிக்கெட் எடுத்துவிட்டதால், நள்ளிரவு ஆனாலும் முடித்து விட்டு செல்ல வேண்டும் என கூறி கடந்த, 3 நாட்களாக நள்ளிரவிலும் வயதான உரிமையாளர்களை வரவழைத்து அலைகழித்தனர். ஏற்கனவே கடந்த ஓராண்டாக விலை வீழ்ச்சியால் பாதிக்கப்பட்டுள்ள நிலையில், தற்போது உற்பத்தியும் பாதித்தால் பொருளாதாரம் கடுமையாக வீழ்ச்சி ஏற்படும். தமிழகத்தை புறக்கணிக்க வேண்டும் என்பதற்காகவே இந்த செயல் நடந்துள்ளது. எனவே, உடனடியாக இதற்கு தீர்வு காண வேண்டும்’ என்றனர்.
வரும் வாரத்தில் குன்னூருக்கு தேயிலை வாரிய இயக்குநர் வருகை தர உள்ளதால் இதற்கு தீர்வு கிடைக்கும் என்ற நம்பிக்கையில் உரிமையாளர்கள் எதிர்பார்த்துள்ளனர்.
நேரடியாக  ‘விண்ணப்பம்’

தென்னிந்தியாவில் உள்ள வர்த்தகர்கள் மற்றும் ஏற்றுமதியாளர்கள் இங்கிருந்து லைசன்ஸ் அனுமதி கோரி விண்ணப்பித்தால் அதனை கல்கத்தா தேயிலை வாரியம் கண்டுகொள்வதில்லை எனவும், அதே நேரத்தில் கல்கத்தாவில் நேரடியாக சென்று ‘விண்ணப்பிக்கும்’ நபர்களுக்கு மட்டும் உடனடியாக வழங்குவதாகவும் வர்த்தகர்கள் கருத்து தெரிவிக்கின்றனர்.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s