விவசாய நிலத்தில் ரிசார்ட் : ஆதிவாசி மக்கள் புகார்

ஊட்டி 14:
அதிகரட்டி கொல்லிமலையில், ஏற்கனவே தடை விதிக்கப்பட்ட ‘ரிசார்ட்’ பணிகள், விதிமுறைகளை மீறி மீண்டும் துவங்கியுள்ளதற்கு, கோத்தர் இன ஆதிவாசி மக்கள் எதிர்ப்பு தெரிவித்துள்ளனர்.
நீலகிரி மாவட்டத்தில், ஆதிவாசிகளின் இடங்களை குறைந்த விலைக்கு விவசாயம் செய்வதாக பணம் படைத்தவர்கள் வாங்கி, காட்டேஜ்கள், ரிசார்ட்கள், பங்களாக்கள் கட்டி வருகின்றனர். இதற்கு பல உள்ளாட்சி அமைப்புகளும் உறுதுணையாக செயல்படுகின்றன.
இந்த வரிசையில், அதிகரட்டி பேரூராட்சியில், கொல்லிமலை கிராமத்தில், 2011ல் தடை விதிக்கப்பட்ட  இடத்தில் மீண்டும் ‘ரிசார்ட்’ கட்டுவதற்கு கோத்தர் இனமக்கள் எதிர்ப்பு தெரிவித்துள்ளனர். 
மாவட்ட கலெக்டருக்கு 14ம்தேதி மனு கொடுக்க, பெண்கள் உட்பட 50க்கும் மேற்பட்டோர் ஊட்டிக்கு வருகை தந்தனர். தேர்தல் என்பதால், மனுவை அங்கு வைக்கப்பட்டுள்ள பெட்டியில்
போடுமாறு அறிவுறுத்தப்பட்டது.
இதுதொடர்பாக, ஊர் நாட்டாமை முருக கம்பட்டன், ஊர் தலைவர் சுபாஷ் கொய்தன், நீலகிரி மாவட்ட கோத்தர் இன ஆதிவாசிகள் சங்க செயலாளர் முருகன் ஆகியோர் கூறியதாவது:
அப்பாவி மக்களிடம் ஆசை வார்த்தை கூறியும், அதிகார துஷ்பிரயோகம் பயன்படுத்தி மிரட்டியும், பழங்குடி மக்களின்  நிலங்களை, விவசாயம் என்ற போர்வையில், வாங்கி வேறு ஒருவருக்கு விற்று விடுகின்றனர்.  
இந்த வரிசையில், அதிகரட்டி பேரூராட்சி கொல்லிமலை பகுதியில், விவசாய நிலத்தில் தனியார் தங்கும் விடுதிகள் கட்டுவது குறித்த புகாரின் பேரில், 2011ம் ஆண்டில் அப்போதைய கலெக்டரால், தடை விதிக்கப்பட்டது. 
ஆனால், தற்போது விதிமுறைகளை மீறி மாசு ஏற்படுத்தும் வகையில், பணிகள் துவக்கப்பட்டுள்ளன. இதன் அருகில் கோத்தர் இன மக்களின் பாரம்பரிய கோவிலும், அருகில் சாஸ்திர சம்பிரதாயம் செய்யும் இடமும் பாதிக்கப்படும். இது குறித்து பஞ்சாயத்து நிர்வாகத்திற்கு மனு கொடுத்தும் பணியை நிறுத்தவில்லை. தி.மு.க., பிரமுகரான, அதிகரட்டி பேரூராட்சி தலைவரும், இதற்கு உறுதுணையாக செயல்படுவதால், கலாசார சடங்குகளுக்கு தீங்கு விளைவிப்பதாக உள்ளது.
எனவே, விவசாய நிலத்தில் விதிமுறைகளை மீறி கட்டப்பட்டு வரும் ‘ரிசார்ட்’ பணிகளுக்கு தடை விதிக்க வேண்டும்.
இவ்வாறு, அவர்கள் கூறியுள்ளனர்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.