ஊட்டி: ஆகம விதிகளை முறையாக கடைபிடிக்காத இந்து அறநிலையத்துறை அதிகாரிகளால், ஊட்டி மாரியம்மன் கோவில், மகா கும்பாபிஷேகம் நடத்தாமல் இருப்பது பக்தர்களிடையே கவலையை ஏற்படுத்தியுள்ளது. ஊட்டி மாரியம்மன் கோவில், சுமார் 500 ஆண்டுகளுக்கும் மேலான பழமை வாய்ந்த கோவில் ஆகும்.  சந்தைக்கடை மாரியம்மன் கோவில், என அழைக்கப்படும் முப்பெரும் தேவியர்: இக்கோவிலில், இச்சா,  கிரியா, ஞானம் ஆகிய 3 வகையான சக்திகளை பக்தர்களுக்கு வழங்க மாரி, காளி, காட்டேரி என முப்பெருந்தேவிகளாக வீற்றுள்ளனர். இதில், ஒரே பீடத்தில் காளி, மாரி வீற்றிருப்பதும், காளி உக்கிரமாக இல்லாமல் சாந்தமாக வீற்றிருப்பதும் அதிசயமாக கருதப்படுகிறது. இந்து அறநிலையத்துறையின் கட்டுப்பாட்டில் உள்ள கோவிலில், ஆண்டுதோறும் மார்ச், ஏப்ரல் மாதங்களில் சித்திரை தேர்த்திருவிழா விமரிசையாக நடத்தப்பட்டு வருகிறது. இதில், உள்ளூர் உபயதாரர்கள், ஆன்மிக அமைப்பினரும் பங்கேற்பது சிறப்பு பெற்றதாகும். முக்கிய திருவிழாவின் போது லட்சக்கணக்கான பக்தர்கள் பங்கேற்று, தேர் மீது உப்பு வீசி, நேர்த்தி கடன் செலுத்தி … Continue reading ஊட்டி மாரியம்மன் கோவில் கும்பாபிஷேகம் நடத்தாத அறநிலையத்துறை

ஊட்டி 14: அதிகரட்டி கொல்லிமலையில், ஏற்கனவே தடை விதிக்கப்பட்ட ‘ரிசார்ட்’ பணிகள், விதிமுறைகளை மீறி மீண்டும் துவங்கியுள்ளதற்கு, கோத்தர் இன ஆதிவாசி மக்கள் எதிர்ப்பு தெரிவித்துள்ளனர். நீலகிரி மாவட்டத்தில், ஆதிவாசிகளின் இடங்களை குறைந்த விலைக்கு விவசாயம் செய்வதாக பணம் படைத்தவர்கள் வாங்கி, காட்டேஜ்கள், ரிசார்ட்கள், பங்களாக்கள் கட்டி வருகின்றனர். இதற்கு பல உள்ளாட்சி அமைப்புகளும் உறுதுணையாக செயல்படுகின்றன. இந்த வரிசையில், அதிகரட்டி பேரூராட்சியில், கொல்லிமலை கிராமத்தில், 2011ல் தடை விதிக்கப்பட்ட  இடத்தில் மீண்டும் ‘ரிசார்ட்’ கட்டுவதற்கு கோத்தர் இனமக்கள் எதிர்ப்பு தெரிவித்துள்ளனர்.  மாவட்ட கலெக்டருக்கு 14ம்தேதி மனு கொடுக்க, பெண்கள் உட்பட 50க்கும் மேற்பட்டோர் ஊட்டிக்கு வருகை தந்தனர். தேர்தல் என்பதால், மனுவை அங்கு வைக்கப்பட்டுள்ள பெட்டியில் போடுமாறு அறிவுறுத்தப்பட்டது. இதுதொடர்பாக, ஊர் நாட்டாமை முருக கம்பட்டன், ஊர் தலைவர் சுபாஷ் கொய்தன், நீலகிரி மாவட்ட கோத்தர் இன ஆதிவாசிகள் சங்க செயலாளர் முருகன் ஆகியோர் கூறியதாவது: அப்பாவி மக்களிடம் ஆசை … Continue reading விவசாய நிலத்தில் ரிசார்ட் : ஆதிவாசி மக்கள் புகார்

Originally posted on ஆறுமுகம் அய்யாசாமி:
அனுமார் வால் போல் நாளும் நீளும் பெருமாள் முருகன் விவகாரம், நமக்கு, தமிழ் திரைப்படங்களின் காமெடிக் காட்சிகளை நினைவூட்டுகிறது. அவற்றில் முக்கியமானது, ‘கிணற்றைக் காணோம்’ என்று புகார் தரும் வடிவேலுக்குப் பயந்து, போலீஸ் சீருடையை கழற்றிக் கொடுத்து விட்டு, ‘வேலையே வேண்டாம்’ என்றோடும் போலீஸ் அதிகாரியின் கேரக்டர். குடும்பத்தோடு வெளியூர் சென்று விட்ட மொக்கச்சாமியின், பூட்டிய வீட்டுக்கு முன் கூடி நின்று, ‘வெளியே வாடா’ என்று கூவல் போடும் கஞ்சா கருப்பு குழுவினரின் காமெடி, எழுத்தாளருக்கு மிரட்டல் விடும் சில்லுண்டிகளின் வீரத்துக்கு நிகரானது. ‘தமிழ் வாத்தியார், கோவில் குருக்கள் மாதிரி, தயிர் சாதம் திங்குறவங்கள அடிச்சே ரவுடியா டெவலப் ஆகியிருக்கோம்’ என்றொரு விஷால் படத்து டயலாக்கும் சேர்ந்து நினைவுக்கு வருகிறது. அட, தமிழாசிரியர் என்பதுகூட, சூழ்நிலைக்கு கச்சிதமாய் பொருந்துகிறதே! படையெடுத்து வந்த வல்லவராயன், காலில் விழுந்து சரணாகதி அடைந்த புலிகேசியைப் பார்த்து, ‘சே என்னய்யா, இப்படி ஒரேயடியாகக்… Continue reading பெருமாள் முருகனும், தமிழ் சினிமாவும்!

3/4/2014குன்னூர் அருகே அருவங்காடு வெடிமருந்து தொழிற்சாலை மருத்துவமனையை மேம்படுத்த வேண்டுமென தொழிலாளர்கள் வலியுறுத்தியுள்ளனர்.குன்னூர் அருகே அருவங்காடு வெடிமருந்து தொழிற்சாலையில் 2 ஆயிரம் தொழிலாளர்கள் பணியாற்றுகின்றனர். இதுமட்டுமின்றி இங்கு ஒப்பந்த தொழிலாளர்களும் பணியில் உள்ளனர். இவர்களுக்கும், இவர்களின் குடும்பத்தினருக்கும் சிகிச்சை அளிக்க மத்திய அரசின் கட்டுப்பாட்டில் உள்ள மருத்துவமனை இதன் அருகிலேயே உள்ளது.இங்கு ஏற்படும் வெடி விபத்துகளுக்கும் இங்கு முதலுதவி சிகிச்சை அளிக்கப்படுகிறது. ஆனால், இங்கு அடிப்படை தேவையான வசதிகள் கூட இல்லை என்ற குற்றச்சாட்டை தொழிலாளர்கள் முன்வைக்கின்றனர். நேற்று முன்தினம் ஏற்பட்ட வெடிவிபத்தின் போது 8 தொழிலாளர்கள் காயமடைந்த நிலையில், ஒரே ஒரு ‘ஸ்ட்ரக்சர்’ மட்டுமே இவர்களை எடுத்து சென்றுள்ளனர். மேலும், 7 டாக்டர்கள் தேவைப்படும் நிலையில், ஒரு டாக்டர் மட்டுமே பணியில் உள்ளதாகவும், ஒப்பந்த அடிப்படையில் 3 டாக்டர்கள் பணியாற்றுன்றனர். இதனால், அவசர சிகிச்சைக்கு கூட அருகில் உள்ள வெலிங்டன் மருத்துவமனை, ஊட்டி, கோவைக்கு அனுப்பும் நிலை ஏற்பட்டுள்ளது.இதுகுறித்து ஊழியர் … Continue reading அருவங்காடு தொழிற்சாலை மருத்துவமனையை மேம்படுத்த வலியுறுத்தல்

3/4/2014குன்னூரில் மாணவ, மாணவியருக்கான ஹாக்கி சிறப்பு பயிற்சி முகாம் நிறைவு பெற்றது.தமிழ்நாடு விளையாட்டு மேம்பாட்டு ஆணைய நீலகிரி மாவட்ட பிரிவு, நீலகிரி மாவட்ட ஹாக்கி சங்கம் சார்பில் கடந்த ஏப்ரல் 28ம் தேதியில் இருந்து கோடைக்கால சிறப்பு பயிற்சி முகாமை குன்னூர், அருவங்காடு, உபதலை, ஜெகதளா பகுதிகளில் நடத்தி வந்தது. இதில், 16 வயதிற்குட்பட்ட 110 மாணவ மாணவியர் பங்கேற்றனர்.இதன் நிறைவு விழா குன்னூர் அறிஞர் அண்ணா மேல்நிலைப்பள்ளியில் நடந்தது. விழாவிற்கு தமிழ்நாடு ஒலிம்பிக் சங்க தலைவர் தேவாரம் தலைமை வகிதது பேசுகையில், ‘நீலகிரியில் ஹாக்கி விளையாட்டை மேம்படுத்த செயற்கை இலை மைதானம் உருவாக்க முயற்சிகள் எடுக்கப்படும்.’ என்றார். தமிழ்நாடு ஹாக்கி சங்க துணை தலைவர் ஜெபரத்தினம், நீலகிரி மாவட்ட ஹாக்கி சங்க தலைவர் ரவிகுமார், செயலாளர் ராமசந்திரன் உட்பட பலர் பங்கேற்றனர். Continue reading ஹாக்கி சிறப்பு பயிற்சி முகாம்